සමහර නොදැනුවත් දෙමව්පියන් අහල තියෙනවා 5 වසරෙ ඉන්න හෝ 10 වසරේ ඉන්න දරුවෙකුට IELTS කරන්න තියෙන හොඳම ආයතනය මොකක්ද කියලා, එහෙම නැත්නම් අපිට එන දුරකථන ඇමතුම් වලින් සමහර දෙමව්පියන් අහන්නේ තවමත් අපොස සාමාන්‍ය පෙළ විභාගයවත් අවසන් නොකළ තමන්ගේ දුවට හෝ පුතාට මාස දෙකක් වගේ කෙටි කාලයකින් IELTS පාඨමාලාව කරන්න පුලුවන්ද කියලා.
ඇත්තටම මෙහෙම වෙන්න හේතුව, අපට තේරෙන විදිහට නම් මේ IELTS කියන විභාගය රට යන්න තියෙන විභාගයක් කියල මිනිසුන් අතරට එනකොට IELTS කියන්නේ අලුත් විභාගයක්ද කියල, ඇතැම් ලාංකිකයන් සතුව හරි ආකාරයේ දැනුමක් නොමැතිවීමයි. මෙහිදී බුද්ධිමත් ඔබ විසින් තේරුම් ගත යුතු වැදගත්ම දෙය නම්, IELTS නම් වූ මෙම ඉංග්‍රීසි භාෂා පරීක්ෂණ විභාගය පවත්වනු ලබන්නේ කවුරුන් උදෙසාද යන කාරණයයි.
යම් ආකාරයකට මේ පිළිබඳව සොයා බැලුවහොත්, IELTS අත්‍යවශ්‍යම වූවන් ලෙස ඔබට හඳුනා ගත හැක්කේ වෛද්‍යවරුන්, ඉංජිනේරුවරුන්, විශ්වවිද්‍යාල උපාධිධාරීන්, හෝ විදෙස් රටක උපාධි අපේක්ෂිත සිසුන් වැනි පිරිසකට පමණක් බව ඔබට අවබෝධ වනු ඇත.
එබැවින් IELTS සමත් වීම යනු, විශ්වවිද්‍යාල මට්ටමේ ඉංග්‍රීසි භාෂා හැකියාවක් ලිවීම,කියවීම, ශ්‍රවණය සහ කථනය ඔස්සේ ඔප්පු කර පෙන්වීමක් ලෙස අවබෝධ කරගත යුතුය.
එබැවින් කුඩා දරුවෙකු IELTS සදහා යොමු කිරීම කොහෙත්ම ප්‍රායෝගික කටයුත්තක් නොවන්නා සේම, විභාග සදහා අවසර හිමි වීමට නම්, ඔබගේ වයස අනිවාර්යෙන්ම අවුරුදු 16ට වඩා වැඩි විය යුතුය. තමන් සිටිනා වෘත්තිය හෝ තමන් බලාපොරොත්තු වන VISA Category ය අනුව 16 ට වැඩි වයස් සීමාවක ඕනෑම කෙනෙකුට විභාගය සදහා සූදානම් වීමේ සහ පෙනීසිටීමේ හැකියාවක් ඇත.
මෙහිදී තමන්ගේ දරුවා හරහා විදෙස් රටක පදිංචි වීමට අපේක්ෂා කරන දෙමව්පියන් අධෛර්යමත් විය යුතු ම නැත.
එහිදී වයස අවුරුදු 16ට අඩු ඔබගේ දරුවා තෝරාගත යුත්තේ IELTS නොවන නමුත්, ඒ සදහා යෝජිත වෙනත් විභාගයන් ලෙස පවතින කේම්බ්‍රිජ් KET, PET, FCE සහ CAE යන වෙනත් රටක අධ්‍යාපනය සදහා 100%ක් අනුමත පාසල් සිසුන් සදහා ලබාදෙන ජාත්‍යන්තර මට්ටමේ සහතිකපත්‍ර වන අතර, අපි සතුව වයස අවුරුදු පහේ සිට 16 දක්වා ඕනෑම දරුවෙක් වෙනුවෙන් වසරේ ඕනෑම කාලයකදී පාඨමාලා පැවැත්වෙන බව ඉතා සතුටින් දන්වා සිටිමු.